Bemerkung zu Ablehnern von unserm „Antrag an den Bayerischen Landtag“
Aaach wås – 100 % werst nia unter oan Huat bringa – muaß aa net sei‘, aa wenn andere je nach Vermögen oder Unvermögen rumhampern, då dro sollt ma uns net orientiern.
Da FBSD håt gråd a super Zielsetzung mit beachtlichem Echo und breiter Akzeptanz, dees is wås Greifbars und verspricht Durchsetzung.
Mia solln uns net beirren lassn, sondern schwungvoll mit åller Kraft weitermacha. Wen ma aa frågt wega Unterschrift – mit wenig Ausnahmen – werd da Antrag unterstützt und sogar Lob und Dank ausgsprocha. Mia san quasi Hoffnungsträger.
Und dann dee ganzen Unterstützer, einschließlich dee Politiker.
Bei sovui Wucht und Präsenz konn doch auf Sicht går nix schiafgeh‘, da unermüdliche Einsatz vo ålle dro Beteiligten konn net umasunst sei‘.
Mia ham ja wås Wertvolles zum bieten:
Da Nerv in breiten Schichten von da Gsellschaft werd troffa.
Wünschen se doch ålle weiterhin unsre bairische Lebensart, die mit der Sprach einhergeht, steht und foit.
Deeswegn kemma doch vui nach Bayern, um dro teilzuhaben an da Lebensart, Sitten und Gebräuche. Allem voran unser Sprach mit Melodie und Schwingung und trefflichem Wortschatz.
Mia wern sogar obettelt, weiter zum Redn, weil s es so gern hearn.
Scho vo dåher derfan mia går niamois nia nimma und koa bissl net locka lassn !
Ludwig M. Brandl
Bemerkung zu Ablehnern von unserm „Antrag an den Bayerischen Landtag“ Weiterlesen »
